Liverpool marði Leeds á Elland Road

Frakk­inn ungi Dav­id Ngog tryggði Li­verpool far­seðil­inn í fjórðu um­ferð ensku deilda­bik­ar­keppn­inn­ar í knatt­spyrnu í kvöld. Li­verpool sótti 2. deild­arlið Leeds heim á El­l­and Road og marði 1:0 sig­ur en Leeds­ar­ar stóðu svo sann­ar­lega uppi í hár­inu á úr­vals­deild­arliðinu.

Ngog skoraði sig­ur­markið af stuttu færi á 66. mín­útu leiks­ins. Steven Gerr­ard lék síðasta stund­ar­fjórðung­inn fyr­ir Li­verpool og Fern­ando Tor­res kom inná á 84. mín­útu.

Ungt lið Arsenal hrósaði 2:0 sigri á WBA. Sanchez Watt og Car­los Vela gerðu mörk Arsenal í seinni hálfleik en gest­irn­ir frá WBA léku manni frá 37. mín­útu þegar Jerome Thom­as var vikið af velli.

Barnsley gerði sér lítið fyr­ir og lagði úr­vals­deild­arlið Burnley, 3:2. Jó­hann­es Karl Guðjóns­son lék all­an tím­ann fyr­ir Burnley en Emil Hall­freðsson gat ekki leikið með Barnsley vegna meiðsla.

Sund­erland lagði Bir­ming­ham á Leik­vangi ljóss­ins, 2:0. Jor­d­an Hend­er­son og Fraizer Camp­bell gerðu mörk heima­manna í fyrri hálfleik.

Benedict McCart­hy tryggði Blackburn 1:0 útisig­ur á Nott­ing­ham For­est.

Ports­mouth fagnaði sín­um fyrsta sigri en liðið sótti Carlisle heim og hafði bet­ur, 3:1. Dinda­ne, Webber og Vand­en Bor­re gerðu mörk Ports­mouth, sem lék án Her­manns Hreiðars­son­ar.

Stoke hafði bet­ur gegn Blackpool, 4:3, í hreint ótrú­leg­um leik þar sem Andy Griff­in skoraði sig­ur­markið á sjöttu mín­útu í upp­bót­ar­tíma. Stoke lenti 2:0 und­ir en fimm mörk voru skoruð á síðustu 15 mín­út­um leiks­ins.

Fram­leng­ing stend­ur yfir í viður­eign Bolt­on og West Ham en staðan eft­ir venju­leg­an leiktíma var, 1:1. Ljóst er að Grét­ar Rafn Steins­son kem­ur ekk­ert við sögu hjá Bolt­on en hann er á bekkn­um og Gary Meg­son er bú­inn að nota all­ar þrjár skipt­ing­arn­ar.

• 4 blogg um frétt­ina

Bloggað um frétt­ina

• Berg­ur Thor­berg: Leeds hefði átt að vinna
• Pét­ur Sig: Ha?
• Hall­grím­ur Guðmunds­son: Maskín­an að hiksta
• Har­ald­ur Har­alds­son: Li­verpool marði Leeds á El­l­and Road/​sko mína menn Leeds !!!!!