Dómaranum sem dæmdi strandboltamarkið gilt refsað

Knattspyrnudómarinn Mike Jones, sem urðu á þau mistök að dæma mark Darren Bent gott og gilt í leik Sunderland og Liverpool í fyrradag, fær ekki að dæma leik í úrvalsdeildinni um næstu helgi og hefur í staðinn verið settur á leik Peterborough og Scunthorpe sem eigast við í 1. deildinni.

Eins og frægt er orðið réðust úrslitin í leik Sunderland og Liverpool með skondnu mark en eftir skot Bents fór boltinn í strandbolta sem áhorfandi hafði hent inn á völlinn og af honum breytti boltinn um stefnu og rúllaði inn fyrir marklínuna framhjá varnarlausum Pepe Reina markverði Liverpool.

Í reglum Alþjóða knattspyrnusambandsins er skýrt kveðið á um að dómara ber að stöðva leikinn í tilviki sem þessu og hafa nokkrir fyrrum dómarar, til að mynda Jeff Winter, Dermot Gallagher og Graham Poll, lýst furðu sinni á mistökum Jones.

• 1 blogg um fréttina

Bloggað um fréttina

• Björn Jóhann Björnsson: Er mönnum skítsama um stigin?