Hermanni gengur illa að hrista af sér meiðslin

Það ætlar að reynast landsliðsfyrirliðanum Hermanni Hreiðarssyni þrautinni þyngri að hrista af sér meiðslin. Nú er ljóst að hann verður ekki með Portsmouth-liðinu á morgun þegar það tekur á móti Wigan í ensku úrvalsdeildinni.

Vonir stóðu til að Hermann yrði klár í slaginn í þessum mánuði en hann hefur ekkert spilað með Portsmouth á leiktíðinni. Fyrst lenti hann í því að togna í læri í æfingaleik rétt fyrir tímabilið og meiddist síðan á fæti á æfingu landsliðsins fyrir leikinn á móti Norðmönnum í undankeppni HM.

Hermanns hefur sárlega verið saknað en suðurstrandarliðið situr á botni deildarinnar með aðeins 4 stig eftir tíu leiki.

• 1 blogg um fréttina

Bloggað um fréttina

• Gísli Foster Hjartarson: Samt.....