Ronaldo vill fá Rooney til Real

Cristiano Ronaldo, portúgalski knattspyrnumaðurinn sem Real Madrid keypti af Manchester United í sumar, vill endilega fá fyrrum samherja sinn Wayne Rooney í raðir spænska félagsins.

„Wayne myndi slá í gegn hérna og ég er viss um að hann kæmi liðinu að góðum notum. Það væri frábært að fá hann. Hér er tilvalið fyrir bestu leikmenn í heimi að spila og hann er án vafa einn þeirra," sagði Ronaldo við blaðið The Sun í dag.

„Wayne hefur alla þá hæfileika og ákveðni sem þarf til að standa sig vel hér, og hann hefur sýnt hvað í hann er spunnið á undanförnum árum. Ég vil endilega fá hann hingað til Real Madrid en veit að það þyrfti mikið til að hreyfa við honum. Hann elskar England, hann elskar Manchester og er frá Liverpool. En það er aldrei að vita hvað gerist," sagði Ronaldo.

• 1 blogg um fréttina

Bloggað um fréttina

• Ólafur Gíslason: Steal Madrid - Leikmannasafnið...