Brasilía lagði England að velli

Brasilíumenn sigruðu Englendinga, 1:0, í vináttulandsleik í knattspyrnu sem fram fór í Doha í Persaflóaríkinu Katar í kvöld.

Nilmar skoraði sigurmark Brasilíumanna í upphafi síðari hálfleiks með glæsilegum skalla eftir langa sendingu frá Elano.

Skömmu síðar fengu Brasilíumenn vítaspyrnu. Wes Brown átti misheppnaða sendingu á Ben Foster, markvörð Englands. Luis Fabiano náði boltanum en Foster braut á honum. Fabiano tók vítaspyrnuna sjálfur en skaut hátt yfir enska markið.

Noregur vann Sviss í vináttulandsleik á útivelli í kvöld. John Carew skoraði sigurmark Norðmanna á 49. mínútu.

• 1 blogg um fréttina

Bloggað um fréttina

• Magnús Geir Guðmundsson: Ekki undarlegt í ljósi...