Ramsey með stórleik gegn Skotum

Aaron Ramsey, hinn 18 ára gamli miðjumaður Arsenal, fór á kostum þegar Walesbúar lögðu Skota á sannfærandi hátt, 3:0, í vináttulandsleik í knattspyrnu í Cardiff í gær.

Ramsey, sem er sagður mesta efni Walesbúa síðan Ryan Giggs kom fram, lagði upp tvö fyrri mörkin og skoraði síðan það þriðja. Það var hans annað mark í ellefu landsleikjum fyrir Wales.

David Edwards frá Wolves og Simon Church frá Reading skoruðu hin tvö mörkin fyrir kornungt og efnilegt lið Walesbúa sem var ekki í neinum vandræðum með slaka Skota.

• 1 blogg um fréttina

Bloggað um fréttina

• Þorsteinn Jónas Skjóldal Haraldsson: Snallahjartað verður ekki keypt!