Írar í sárum eftir ólöglegt mark Frakka

Írar eru í sárum eftir úrslitin gegn Frökkum í leik þjóðanna um sæti á HM en úrslitin réðust í framlengingu þegar Frakkar jöfnuðu metin með kolólöglegu marki. Thierry Henry mokaði þá knettinum fyrir sig með hendinni áður en hann kom honum á William Gallas sem skoraði með skalla af stuttu færi.

,,Ég er ekki bara vonsvikinn heldur leiður. Ég er leiður vegna þess að dómarinn hafði tíma til að ræða við línuvörðinn. Ég er sannfærður að hann hefði staðfest að um hendi var að ræða,“ sagði Giovanni Trappatoni landsliðsþjálfari Íra eftir leikinn.

Robbie Keane skaut föstum skotum eftir leikinn en hann sagði að nú væru forsetar FIFA og UEFA himinlifandi; ,,Þeir eru enn að klappa. Michel Platini situr uppi í stúku og er að ræða við Sepp Blatter. Þeir hafa örugglega skipst á textaskilaboðum, himinlifandi eftir úrslitin,“ sagði Keane, sem skoraði mark Íra í leiknum.  

• 2 blogg um fréttina

Bloggað um fréttina

• Stefán Óli Sæbjörnsson: Mesta svindlmark sem ég hef séð.
• Bergur Thorberg: French football is hand made......