Benítez: Erum svolítið svekktir

,,Við erum svolítið vonsviknir því við áttum gott færi undir lok leiksins," sagði Rafael Benítez knattspyrnustjóri Liverpool eftir 2:2 jafntefli sinna manna gegn Manchester City á Anfield í dag.

,,Miðað við þau vandræði sem við lentum í, gera tvær breytingar á fyrstu 18 mínútum og koma til baka var góður karakter leikmanna minna. Við reyndum að knýja fram sigur og fengum færi til þess svo sannarlega,“ sagði Benítez en Brasilíumaðurinn Lucas misnotaði dauðafæri undir lok leiksins.

Benítez er vongóður um að þeir Daniel Agger og Ryan Babel geti verið með í Evrópuleiknum gegn Debrecen í næstu viku en þeir fóru báðir meiddir af velli og þurfti að sauma fimm spor í höfuð Aggers.

Steven Ireland: ,,Í lok tímabilsins þá munum við kannski líta á þetta sem gott stig en okkur finnst að við höfum verið rændir,“ sagði Steven Ireland. ,,Við lékum vel en við fengum á okkur klaufalegt mark eftir að hafa komist yfir. Við sofnuðum á verðinum og þetta hefði getað farið verr undir lokin.“

• 1 blogg um fréttina

Bloggað um fréttina

• Hallgrímur Guðmundsson: Ég er drullusvekktur