Grétar Rafn enn á bekknum

Grétar Rafn Steinsson verður enn og aftur að sætta sig við að vera á varamannabekk Bolton en liðið tekur á móti Blackburn Rovers í fyrsta leiknum af þremur sem eru á dagskrá ensku úrvalsdeildarinnar í knattspyrnu í dag. Leikur liðanna hefst á Reebok vellinum í Bolton klukkan 13.30.

Grétar Rafn hefur aðeins tvisvar sinnum verið í byrjunarliði Bolton í úrvalsdeildinni á þessari leiktíð en Siglfirðingurinn átti fast sæti í liðinu á síðustu leiktíð og var í byrjunarliðinu í  37 af 38 leikjum liðsins í úrvalsdeildinni.

• 1 blogg um fréttina

Bloggað um fréttina

• Gísli Foster Hjartarson: Get ekki að því gert.....