Kastaði myndavél að Frank Lampard

Enska knattspyrnusambandið hefur tekið til athugunar atvik sem átti sér stað á Emirates leikvanginum í gær þegar Arsenal tók á móti Chelsea. Hlut, sem virtist vera lítil myndavél, var kastað að Frank Lampard, miðjumanni Chelsea.

Andre Marriner dómari gerði hlé á leiknum þegar atvikið átti sér stað og fjarlægði hlutinn, sem var kastað úr hópi stuðningsmanna Arsenal. Marriner skráði atvikið á skýrslu sína og hún er nú til skoðunar hjá knattspyrnusambandinu.

Ef sá sem kastaði hlutnum þekkist á upptökum öryggismyndavéla á Emirates má hann reikna með útilokun frá heimaleikjum Arsenal. Þar sem hluturinn hæfði ekki Lampard er talið ólíklegt að félagið hljóti þunga refsingu.

• 1 blogg um fréttina

Bloggað um fréttina

• Gísli Foster Hjartarson: Að taka nærmynd!