Megson rekinn frá Bolton

Gary Megson hefur verið rekinn úr starfi knattspyrnustjóra enska úrvalsdeildarliðsins Bolton, sem Grétar Rafn Steinsson leikur með. Hvorki hefur gengið né rekið hjá Bolton á yfirstandandi leiktíð og er liðið í þriðja neðsta sæti ensku úrvalsdeildarinnar með 18 stig að loknum 18 leikjum. Óvíst er hver tekur við af Megson.

Síðasti leikur Bolton undir stjórn Megson var í gærkvöldi gegn Hull. Þá misstu leikmenn liðsins niður tveggja marka forskot niður í jafntefli, 2:2, á heimavelli. Í leikslok var baulað á leikmennina og Megson og veifað var spjöldum með áletruninni: „Megson must go", eða „Megson verður að fara".

Megson tók við knattspyrnustjórn hjá Bolton í október 2007.

Á meðan forsvarsmenn Bolton leita að eftirmanni Megson munu Christ Evans, aðstoðar knattspyrnustjóri og aðalþjálfarinn  Steve Wigley halda um stjórnvölin.

• 1 blogg um fréttina

Bloggað um fréttina

• Gísli Foster Hjartarson: Kominn tími til!!!