Voronin til Dinamo Moskva
Rafael Benítez er nú búinn að losa sig við Andriy Voronin.
Reuters
Setja bókamerki
Úkraínski knattspyrnumaðurinn Andriy Voronin yfirgaf enska félagið Liverpool í dag eftir hálfs þriðja árs dvöl þar og gekk til liðs við rússneska félagið Dinamo Moskva. Þar samdi hann til þriggja ára.
Voronin, sem er þrítugur sóknarmaður, kom til Liverpool frá Bayer Leverkusen sumarið 2007 en náði sér aldrei á strik á Anfield. Hann náði aðeins að spila samtals 40 leiki með liðinu á þessum tíma, 25 þeirra í úrvalsdeildinni, og skoraði 5 mörk í deildinni.
Hann var lánaður til Herthu Berlín í Þýskalandi síðasta vetur og gekk þar öllu betur og skoraði 11 mörk í 20 deildaleikjum fyrir félagið.
Liverpool fékk Voronin á frjálsri sölu á sínum tíma en Rússarnir greiða nú fyrir hann tæpar tvær milljónir punda.
Heitt vatn fannst sem gæti annað 10 þúsund manns
Á algjöru frumstigi eftir þrjár vikur af verkfalli
Mjög alvarlegt ef Njarðvíkuræð gefur sig
Þórarinn: Tafir á höfuðborgarsvæðinu ekki minni
Einar skorar á næstu ríkisstjórn
Beint: Eldgos hafið við Stóra-Skógfell
Hvað gerðist eiginlega í VMA?
Sparnaður heimila vex meira en áður var talið