Mancini: Verðum að halda áfram á sömu braut

Roberto Mancini knattspyrnustjóri Manchester City var að vonum ánægður með sigur sinna manna gegn Blackburn í kvöld en með sigrinum komst City í fjórða sæti deildarinnar og er átta stigum frá toppliði Chelsea.

,,Mér fannst lið mitt spila vel, afar vel og ég verð að hrósa Tévez sérstaklega.  Allir leikmenn voru einbeittir í 90 mínútur en ég er fúll yfir því að við fengum á okkur mark,“ sagði Mancini en lærisveinar hans hafa unnið alla fjóra leikina sem hann hefur stjórnað liðinu í.

,,Við erum ekkert að skoða stigatöfluna. Það eru 17 leikir eftir og nú er mikilvægt að við getum haldið áfram á sömu braut. Haldið áfram að spila vel og haldið áfram að bæta okkur,“ sagði Mancini.