Villa á Wembley eftir 6:4 sigur

Ast­on  Villa leik­ur til úr­slita í enska deilda­bik­arn­um í knatt­spyrnu en liðið vann sig­ur á Blackburn Rovers, 6:4, í ótrú­leg­um leik á Villa Park í Bir­ming­ham í kvöld. Villa, sem lenti 0:2 und­ir snemma leiks, vann þar með viður­eign liðanna 7:4 sam­an­lagt og mæt­ir annaðhvort Manchester City eða Manchester United í úr­slita­leikn­um á Wembley.

Blackburn fékk óska­byrj­un því Ni­kola Kalinic skoraði strax á 10. mín­útu með skalla eft­ir horn­spyrnu. Staðan 0:1 og þar með 1:1 sam­an­lagt.

Kalinic var aft­ur á  ferð á 26. mín­útu, skoraði af stuttu færi eft­ir að Brad Guz­an varði glæsi­lega frá Mart­in Ols­son. Staðan 0:2 og 1:2 sam­an­lagt.

Ast­on  Villa náði að svara fljótt fyr­ir sig því á 30. mín­útu skoraði bakvörður­inn Stephen Warnock með þrumu­skoti eft­ir fyr­ir­gjöf frá Ashley Young. Staðan 1:2 og 2:2 sam­an­lagt.

Leik­ur­inn sner­ist held­ur bet­ur Ast­on Villa í hag á 40. mín­útu. Þá var Chris Sam­ba, miðvörður Blackburn, rek­inn af velli og dæmd víta­spyrna sem James Milner skoraði úr. Staðan 2:2 og 3:2 sam­an­lagt.

Ast­on Villa náði for­yst­unni á 53. mín­útu. Rich­ard Dunne náði að pota bolt­an­um í netið eft­ir horn­spyrnu frá Stew­art Down­ing. Staðan 3:2 og 4:2 sam­an­lagt.

Á 57. mín­útu skoraði Gabriel Ag­bon­la­hor fjórða mark Villa, breytti þá stefnu bolt­ans eft­ir skot frá James Milner. Staðan 4:2 og 5:2 sam­an­lagt. Villa er á leið á Wembley.

Emile He­skey bætti við marki fyr­ir Villa á 62. mín­útu eft­ir send­ingu frá Milner, 5:2 og 6:2 sam­an­lagt.

Mart­in Ols­son var fljót­ur að svara fyr­ir Blackburn, minnkaði mun­inn á 63. mín­útu með glæsi­legri hjól­hesta­spyrnu. Ótrú­leg­ur marka­leik­ur. Staðan 5:3 og 6:3 sam­an­lagt.

Tíu leik­menn Blackburn gáf­ust ekki upp og á 85. mín­útu skoraði Brett Emert­on. Staðan 5.4 og 6:4 sam­an­lagt.

Ashley Young inn­siglaði sig­ur Ast­on Villa í upp­bót­ar­tíma. Staðan 6:4 í leikn­um og 7:4 sam­an­lagt.

Liðin voru þannig skipuð:

Ast­on Villa: Guz­an, Cu­ell­ar, Dunne, Coll­ins, Warnock, Petrov, Milner, Down­ing, Ashley Young, Ag­bon­la­hor, He­skey.
Vara­menn: Friedel, Luke Young, Sidwell, Al­bright­on, Del­fou­neso, Delph, Beye.
Blackburn: Robin­son, Chim­bonda, Sam­ba, Nel­sen, Gi­vet, Emert­on, Nzonzi, Peder­sen, Ols­son, Dunn, Kalinic.
Vara­menn: Brown, McCart­hy, Reid, Andrews, Hoilett, Di Santo, Sal­ga­do.

Ni­kola Kalinic kom Blackburn snemma í 2:0 og fagn­ar hér fyrra mark­inu. Reu­ters

• 1 blogg um frétt­ina

Bloggað um frétt­ina

• Gísli Foster Hjart­ar­son: Mart­in O'­Neill