Ballack þreyttur á afsökunum Wengers
Michael Ballack og Cesc Fabregas í baráttu um boltann á Stamford Bridge í gær.
Reuters
Setja bókamerki
Mihael Ballack, þýski miðjumaðurinn í liði Chelsea, segist vera orðinn þreyttur á sífelldum afsökunum Arsene Wengers knattspyrnustjóra Arsenal. Wenger sagði eftir ósigur sinna manna gegn Chelsea í gær að Arsenal hafði verið betri aðilinn í leiknum og hefði verðskuldað sigur.
,,Ef maður lítur á stöðuna núna þá lítur allt út fyrir það að þetta verði barátta á milli Manchester United og okkar um titilinn. Við vissum hvernig Arsenal myndi spila. Við gátum séð það eftir fyrsta leik okkar gegn Arsenal og einnig eftir leik liðsins á móti Manchester United. Þetta er alltaf sami leikstílinn,“ segir Ballack í viðtali við enska blaðið Daily Mail.
,,Wenger er alltaf með einhverjar afsakanir. Fótbolti snýst ekki um það hvort liðið hafi boltann meira í leiknum og spili einhvern fallegan fótbolta. Fótbolti snýst um að vinna leiki. Það sýndi United þegar það mætti Arsenal og það gerðum við líka. Á þessu tímabili og því síðasta hefur Arsenal sýnt að það er ekki fært um að vinna deildina,“ segir Ballack.
„Átti von á fleiri útköllum“
Lítil snjóflóð fallið og vegum lokað á Vestfjörðum
Nokkur útköll hjá Landsbjörg
Máttu ekki auglýsa „mesta úrvalið“ og „besta verðið“
„Á allt sitt undir því að njóta trausts almennings“
Fundaði með starfsfólki í fjóra tíma í gær
Ríkisstjórnin ekki beint á leiðinni í jólafrí
„Umferðin greinilega að þyngjast“