Fulham gegn öðru Íslendingaliðanna
Setja bókamerki
Það Íslendingaliðanna, Bolton eða Tottenham, sem kemst áfram í ensku bikarkeppninni í knattspyrnu mætir Fulham á útivelli í átta liða úrslitum keppninnar. Dregið var til þeirra rétt í þessu.
Bolton og Tottenham skildu jöfn, 2:2, fyrr í dag þar sem Grétar Rafn Steinsson lék allan leikinn með Bolton en Eiður Smári Guðjohnsen kom ekki inná hjá Tottenham.
Stórleikur er í uppsiglingu ef Manchester City nær að vinna Stoke því þá bíður útileikur gegn sjálfum bikarmeisturum Chelsea á Stamford Bridge.
Íslendingaliðið Reading fær heimaleik við Aston Villa eða Crystal Palace ef því tekst að leggja WBA þegar liðin mætast aftur.
Hermann Hreiðarsson og félagar í Portsmouth fengu heimaleik gegn Birmingham.
Bikardrátturinn fór sem sagt þannig:
Chelsea - Manchester City eða Stoke
Fulham - Bolton eða Tottenham
Reading eða WBA - Crystal Palace eða Aston Villa
Portsmouth - Birmingham
Jón „mun ekki koma nálægt meðferð hvalamálsins“
Vandræði með vatn í Bolungarvík
Telja sig geta rekið Grindavík til 2026
Slasað barn fær ekki styrk vegna leigu á hjólastól
Glíma enn við eftirköst E.coli-smits í Efstadal
„Skjálftaklessa á milli Grímseyjar og Öxarfjarðar“
Nokkrar skriður féllu á Vestfjörðum
