Mancini: Verðum að fá Tévez

Roberto Mancini, knattspyrnustjóri Manchester City, segir að lið sitt geti illa verið án Carlos Tévez, sem fór heim til Argentínu á dögunum vegna þess að eiginkona hans eignaðist barn nokkru fyrir tímann.

Sky Sports segir að Vanessa, konan hans, sé búin að jafna sig en barn þeirra sé enn á gjörgæslu.

„Ég veit ekki hvar Tévez er, held að hann sé í Argentínu. Þetta er stórt vandamál fyrir okkur því það eru mikilvægir leikir framundan. Carlos hefur verið í burtu í átta daga og ég veit ekki hvort hann hafi æft á meðan. Vonandi verður hann kominn innan tveggja daga. Ég heyrði í honum fyrir þremur dögum, nú eru hans mál komin á betri veg og ég vona svo sannarlega að hann sé á leiðinni," sagði Mancini eftir 0:0 jafnteflið við Liverpool í gær.

• 1 blogg um fréttina

Bloggað um fréttina

• Bragi Magnússon: uhUuu