Ferguson: Arsenal komið aftur inn í myndina

Sir Alex Ferguson knattspyrnustjóri Manchester United segir að Arsenal sé búið að blanda sér aftur að alvöru í baráttuna um Englandsmeistaratitilinn.

,,Arsenal er aftur komið inn í myndina eftir úrslit helgarinnar. Það á auðveldasta prógrammið á pappírunum og það stefnir í mjög áhugaverða baráttu um titilinn,“ segir Ferguson.

Chelsea trónir í toppsætinu með 61 stig, Manchester United hefur 60 og Arsenal er í þriðja sætinu með 59 stig en Arsenal varð síðast Englandsmeistari árið 2005. Síðan þá hafa Chelsea og Manchester United skipt titlinum á milli sín en United er meistari síðustu þriggja ára.

• 1 blogg um fréttina

Bloggað um fréttina

• Eyþór Ernir Oddsson: Tvær staðreyndavillur í þessari frétt.