Íþróttir | Enski boltinn | mbl | 9.3.2010 | 22:54 | Uppfært 10.3.2010 11:24

Wenger vill mæta United eða Chelsea

Sir Alex Ferguson og Arsene Wenger. Reuters

Arsene Wenger knattspyrnustjóri Arsenal vonast til að mæta Manchester United eða Chelsea í átta liða úrslitum Meistaradeildarinnar en Wenger sá sína menn kjöldraga Porto á Emirates í kvöld.

,,Kannski er bara gott fyrir okkur að mæta næst ensku liði. Okkur hefur ekki gengið vel með Chelsea á tímabilinu og heldur ekki Manchester United svo það yrði gott tækifæri að sýna hvað við getum gert á móti þeim,“ sagði Wenger við Sky Sports eftir leikinn við Porto í kvöld.

,,Ég er auðvitað ánægður með frammistöðu liðsins. Liðið spilaði fyrri hálfleikinn frábærlega. Það var smá hik á okkur í 10-15 mínútur í seinni hálfleik en eftir að Nasri skoraði þriðja markið voru úrslitin ráðin,“ sagði Wenger.