Ferguson ánægður með Park og Fletcher

Sir Alex Ferguson knattspyrnustjóri Manchester United hrósaði Ji-sung Park og Darren Fletcher í hástert eftir sigur liðsins á erkifjendunum í Liverpool á Old Trafford í dag.

Park skoraði sigurmarkið á 60. mínútu eftir fyrirgjöf frá Darren Fletcher sem var útnefndur maður leiksins á Sky Sports.

Ji-sung var frábær. Hann er einn af þeim leikmönnum sem stendur sig alltaf. Hann missir aldrei stjórn á skapi sínu og er mjög staðfastur. Við fundum annað hlutverk fyrir hann í þessum leik heldur en hann skilaði í leiknum á móti AC Milan. Hann er svo hugrakkur og markið hans var frábært,“ sagði Ferguson.

,,Vinnusemin hjá Fletcher var stórkostleg og hans náttúrulega orka er okkur svo mikilvæg. Hann skilaði mjög mikilvægu hlutverki fyrir okkur en það er athyglisvert að í tapleikjunum þremur fyrir þennan leik þá spilaði Darren ekki. Í tvö skipti var hann veikur og einu sinni meiddur,“ sagði Ferguson.

• 2 blogg um fréttina

Bloggað um fréttina

• Björn Jónsson: Þegar kóngurinn.......
• Mancunian: Okkar "minni spámenn" þeir bestu í heimi