Fabregas tæpur en Gallas klár í slaginn

Arsene Wenger knattspyrnustjóri Arsenal greindi fréttamönnum frá því á Emirates Stadium í dag að það muni ekki koma í ljós fyrir en skömmu fyrir leik hvort Cesc Fabregas verði með liðinu gegn Barcelona en liðin eigast við í átta liða úrslitum Meistaradeildarinnar annað kvöld.

,,Hann æfði ekki með liðinu í morgun og sem stendur er hann ekki leikfær. Við munum gefa honum einn sólarhring til viðbótar en ég veit ekki hvort hann verði tilbúinn í slaginn. Ef leikurinn væri í dag þá myndi hann ekki spila,“ sagði Wenger en Fabregas meiddist í leiknum gegn Birmingham á laugardaginn.

Miðvörðurinn William Gallas hefur hins vegar náð sér af meiðslum en Frakkinn, sem hefur misst af síðustu átta leikjum liðsins, verður í leikmannahópnum á morgun.

• 1 blogg um fréttina

Bloggað um fréttina

• Kristján Jakob Agnarsson: Campbell út.