Gallas ekki meira með Arsenal?

Arsene Wenger, knattspyrnustjóri Arsenal, kveðst ekki reikna með því að miðvörðurinn William Gallas spili meira á þessu tímabili en hann fór meiddur af velli í fyrri hálfleiknum gegn Barcelona í kvöld.

Gallas var nýkominn aftur eftir meiðsli en hann tognaði í kálfa og var borinn af velli. Hann verður því ekki með þegar liðin mætast aftur næsta þriðjudagskvöld á Camp Nou.

„Ég held að þetta tímabil sé búið hjá honum en þar á ég ekki við heimsmeistarakeppnina. Ég held að hann verði tilbúinn í slaginn þar," sagði Wenger við frönsku stöðina Canal Plus eftir leikinn í kvöld en Frakkar hafa að vonum áhyggjur af stöðu mála hjá varnarmanninum reynda.

• 1 blogg um fréttina

Bloggað um fréttina

• Guðmundur Júlíusson: Með ólíkindum þessi meiðsli hjá leikmönnum Arsenal