Davies sektaður fyrir að gagnrýna dómara

Kevin Davies, sóknarmaður Bolton, hefur verið sektaður fyrir ummæli sín í garð Marks Clattenburgs dómara eftir leik liðsins við Fulham í febrúar.

Sektin nemur 7.500 pundum og er skilorðsbundin þannig að hún fellur niður eftir tvö ár ef Davies heldur sig á mottunni til þess tíma.

Davies taldi sig hafa tryggt Bolton sigur þegar hann skoraði seint í leiknum en Clattenburg dæmdi markið af þar sem hann taldi að brotið hefði verið á Brede Hangeland, varnarmanni Fulham. Davies vandaði honum ekki kveðjurnar í viðtölum eftir leikinn.

• 1 blogg um fréttina

Bloggað um fréttina

• Gunnar Emil Árnason: Kevin Davis