Íþróttir | Enski boltinn | mbl | 25.4.2010 | 16:58

Chelsea endurheimti toppsætið með 7:0 sigri

Frank Lampard og Matthew Etherington í baráttunni á Stamford Bridge í dag. Reuters

Chelsea endurheimti toppsætið í ensku úrvalsdeildinni með 7:0 stórsigri á Stoke á Stamford Bridge. Chelsea er nú stigi á undan Manchester United þegar tvær umferðir eru eftir en Chelsea stórbætti jafnframt markatölu sína. Fylgst var með gangi mála í leiknum hér á mbl.is.

89. MARK!! Florent Malouda skoraði eftir sendingu frá Joe Cole og kórónar frábæran leik hjá Chelsea. Molouda var áður búinn að brenna af tveimur dauðafærum í síðari hálfleik.

87. MARK!! Daniel Sturridge kom inn á sem varamaður og skoraði sitt fyrsta mark fyrir Chelsea sem er heldur betur að laga hjá sér markatöluna.

81. MARK!! Frank Lampard er búinn að bæta við öðru marki sínu og fimmta marki Chelsea.

68. MARK!! Kolou fullkomar þrennu sína en fyrir leikinn í dag hafði hann aðeins skorað eitt mark í deildinni.

43. MARK!! Dagskránni er lokið á Stamford Bridge. Frank Lampard kemur Chelsea í 3:0 með marki úr vítaspyrnu sem dæmd var á gamla Chelsea manninn Robert Huth þegar hann felldi Kalou klaufalega innan vítateigs.

31. MARK!! Kalou kemur Chelsea í 2:0. Lampard átti skot á markið sem Sörensen varði. Hann hélt ekki boltanum og Kalou var fyrstur að átta sig og renndi boltanum í netið. Sörensen meiddist á hendi eftir viðskiptin við Kalou sem renndi sér á boltann og verður að hætta leik.

24. MARK!! Salomon Kalou skallar í net Stoke af stuttu færi eftir frábæra fyrirgjöf frá Drogba.

19. Thomas Sörensen sýndi snilli þegar hann varði glæsilega kollspyrnu frá Drogba. Sókn Chelsea er farin að þyngjast.

11. Ashley Cole sem er í byrjunarliði Chelsea í fyrsta skipti frá því í febrúar fékk dauðafæri en Thomas Sörensen sá við honum og varði.

Chelsea: Cech, Paulo Ferreira, Ivanovic, Alex, Ashley Cole, Lampard, Ballack, Malouda, Kalou, Drogba, Anelka.
Varamenn: Hilario, Joe Cole, Zhirkov, Sturridge, Belletti, Hutchinson, Van Aanholt.

Stoke: Sorensen, Higginbotham, Huth, Abdoulaye Faye, Collins, Delap, Whitehead, Whelan, Etherington, Fuller, Kitson.
Varamenn: Begovic, Lawrence, Beattie, Pugh, Shawcross, Sanli, Wilkinson.