Grant: Stoltur að fá að stýra West Ham

Ísraelsmaðurinn Avram Grant, sem fyrr í dag var ráðinn knattspyrnustjóri enska úrvalsdeildarliðsins West Ham, segir starfið spennandi áskorun fyrir sig en hann á að fylla skarð Ítalans Gianfranco Zola sem rekinn var frá félaginu á dögunum.

,,Ég er mjög stoltur að fá tækifæri til að vera knattspyrnustjóri West Ham. Það er spennandi áskorun og ég er reiðubúinn að gera mitt besta. Þetta er frábært félag sem á sér glæsilega sögu og á frábæra stuðningsmenn og ég hlakka bara mikið til hefja störf og vinna með leikmönnum mínum,“ segir Grant á vef West Ham.

Grant mun velja sér sjálfur aðstoðarmenn og ekki er reiknað með því að Steve Clark fyrrum aðstoðarmaður Zola verði í þjálfarateyminu en Clark var hægri hönd Grants þegar hann var við stjórnvölinn hjá Chelsea.

• 1 blogg um fréttina

Bloggað um fréttina

• Gísli Foster Hjartarson: Man enginn....