Coppell óvænt hættur með Bristol City

Steve Coppell, sem eitt sinn var knattspyrnustjóri Íslendingaliðsins Reading, segir ferli sínum sem knattspyrnustjóra lokið. Hann hafði stýrt Bristol City í fyrsta leik 1. deildarinnar um síðustu helgi og þessi ákvörðun er því afar óvænt.

Coppell kveðst í yfirlýsingu ekki lengur hafa ástríðu fyrir því að stýra knattspyrnuliði og hann hafi því séð sér þann kost vænstan að hætta. Hann tók við Bristol City í apríl á þessu ári. Hann er 55 ára gamall og þjálfaði Reading í ein sex ár áður en hann tók við Bristol City.

Keith Millen hefur verið ráðinn knattspyrnustjóri Bristol City í stað Coppells og skrifaði hann undir samning til þriggja ára. Millen var áður aðstoðarknattspyrnustjóri hjá félaginu.

• 1 blogg um fréttina

Bloggað um fréttina

• Gísli Foster Hjartarson: Óvænt en samt ekki....