Liverpool hyggst áfrýja rauða spjaldinu hjá Cole

Liverpool ætlar að áfrýja rauða spjaldinu sem Joe Cole fékk að líta á í viðureign Liverpool og Arsenal í dag. Cole var rekinn af velli fyrir brot undir lok leiksins og er þetta fyrsta brottvísun miðjumannsins snjalla á ferlinum.

Cole á yfir höfði sér þriggja leikja bann en Liverpool menn vonast til að fá spjaldið fellt niður.

,,Það verður mikill missir fyrir okkur ef hann verður úrskurðaður í leikbann. Cole var alveg eyðilagður enda að spila sinn fyrsta leik fyrir félagið í deildinni fyrir framan frábæra stuðningsmenn okkar,“ sagði Roy Hodgson knattspyrnustjóri Liverpool.

• 1 blogg um fréttina

Bloggað um fréttina

• Ómar Ragnarsson: Verður að taka afleiðingunum.