Eiður Smári byrjar á bekknum

Eiður Smári Guðjohnsen hefur leik á bekknum í liði Stoke í kvöld en liðið tekur á móti Aston Villa í lokaleik fjórðu umferðar ensku úrvalsdeildarinnar í knattspyrnu.

Nýju mennirnir Eiður Smári og Jarmaine Pennant hefja báðir leik á bekknum en Marc Wilson, sem gekk í raðir Stoke um mánaðarmótin eins og þeir Eiður og Pennant, er í byrjunarliðinu.

Fram kemur á vef Stoke að knattspyrnustjórinn Tony Pulis muni ekki stýra liði sínu í kvöld vegna ástvinamissis og það kemur í hlut Dave Kemp aðstoðarmanns hans að stjórna liðinu.

• 2 blogg um fréttina

Bloggað um fréttina

• Ólafur Ingi Hrólfsson: Eiður er bestur
• Njörður Helgason: Á sínum stað.