Eiður Smári ekki með í góðum útisigri Stoke

Fimmta leikinn í röð þurfti Eiður Smári Guðjohnsen að sitja á varamannabekk Stoke allan tímann þegar liðið vann sinn þriðja leik í röð. Stoke sótti WBA heim og fagnaði 3:0 sigri. Varamaðurinn Rob Walters skoraði tvö marka Stoke og Matthew Ethrington eitt.

Grétar Rafn Steinsson sat á bekknum hjá Bolton allan tímann sem burstaði Newcastle, 5:1, þar sem Johan Elmander og Kevin Davies gerðu tvö mörk hver.

Hermann Hreiðarsson kom ekkert við sögu hjá Portsmouth sem tapaði fyrir Barnsley 1:0, á útivelli.

Aron Einar Gunnarsson lék síðustu 35 mínúturnar fyrir Coventry sem vann 1:0 sigur á Burnley.

Heiðar Helguson sat á bekknum hjá QPR allan tímann sem hélt sínu góða gengi áfram en liðið sigraði Preston, 3:1.

Hvorki Ívar Ingimarsson né Brynjar Björn Gunnarsson voru í leikmannahópi Reading sem gerði 1:1 jafntefli við Watford.

• 1 blogg um fréttina

Bloggað um fréttina

• Heimir Lárusson Fjeldsted: desember