Tévez sættist við Man.City

Car­los Tévez hef­ur dregið til baka ósk sína um að verða seld­ur frá Manchester City og verður um kyrrt í her­búðum fé­lags­ins, sam­kvæmt til­kynn­ingu sem City birti á vef sín­um síðdeg­is.

Ekki þarf að rekja í löngu máli fram­halds­sög­una um Tévez sem óskaði eft­ir því að verða seld­ur frá City fyr­ir skömmu, og sagði m.a. að sam­skipti sín við ákveðna for­ráðamenn þar væru kom­in á það stig að ekki yrði aft­ur snúið.

Tévez og Roberto Manc­ini knatt­spyrn­u­stjóri City hitt­ust á sér­stök­um fundi á föstu­dag­inn.

„Á fund­in­um lýsti Car­los yfir full­kom­inni holl­ustu við fé­lagið og dró form­lega til baka beiðni sína um að verða seld­ur. Samn­ing­ur Car­los­ar er óbreytt­ur og bæði Car­los og fé­lagið ætla að ein­beita sér að þeim tæki­fær­um sem framund­an eru hjá liðinu," seg­ir m.a.a í yf­ir­lýs­ing­unni.

Haft er eft­ir Manc­ini: „Car­los er heimsklassa leikmaður og fram­lag hans til liðsins frá því hann kom til fé­lags­ins er ómet­an­legt. Ég er afar ánægður með að nú skul­um við geta ein­beitt okk­ur að fót­bolt­an­um sjálf­um og hlakkað til þess að sjá Car­los leika áfram stórt hlut­verk í framþróun fé­lags­ins."

Manchester City tek­ur á móti Evert­on klukk­an 20 en með sigri kæm­ist City á topp úr­vals­deild­ar­inn­ar og yrði þar þegar jól­in ganga í garð, í fyrsta skipti í 81 ár.

• 1 blogg um frétt­ina

Bloggað um frétt­ina

• Gísli Foster Hjart­ar­son: Fer í vor!