Anelka með en Grétar meiddur

Nicolas Anelka kem­ur inní liði Chel­sea á nýj­an leik í kvöld þegar ensku meist­ar­arn­ir taka á móti Bolt­on í úr­vals­deild­inni. Nær ör­uggt er að Grét­ar Rafn Steins­son geti ekki spilað með Bolt­on vegna meiðsla.

Anelka missti af leik Chel­sea og Arsenal á mánu­dags­kvöldið vegna eymsla í hné en er orðinn frísk­ur og kem­ur að óbreyttu inní byrj­un­arliðið. Mikel John Obi, fé­lagi hans, meidd­ist hins­veg­ar í hné í þeim leik og verður ekki með í kvöld.

Grét­ar Rafn þurfti að fara af velli á sunnu­dag­inn þegar Bolt­on sigrað WBA og verður nær ör­ugg­lega ekki með á Stam­ford Bridge í kvöld af þeim sök­um. Hinn bakvörður liðsins, Lee Chung-yong, er líka fjarri góðu gamni en hann er far­inn til móts við lið Suður-Kór­eu vegna Asíu­bik­ars­ins.

Chel­sea og Bolt­on eru í fimmta og sjötta sæt­inu og tak­ist Bolt­on að sigra í fyrsta sinn í 15 viður­eign­um gegn Chel­sea hafa liðin sæta­skipti. Meist­ar­arn­ir, sem hafa ekki unnið í sex leikj­um í röð, færu hins­veg­ar upp­fyr­ir Totten­ham á ný og í fjórða sætið með sigri.

• 1 blogg um frétt­ina

Bloggað um frétt­ina

• Gísli Foster Hjart­ar­son: Úrslita­leik­ur?