Redknapp: United mun tapa leik

Harry Redknapp knattspyrnustjóri Tottenham hefur enga trú á að Manchester United leiki sama leik og Arsenal gerði fyrir nokkrum árum, það er að fara í gegnum tímabilið án þess að tapa leik í ensku úrvalsdeildinni.

United er taplaust í 21 leik en liðið gerði markalaust jafntefli við Tottenham á White Hart Lane.

,,Ég sé það ekki gerast að United fari taplaust í gegnum tímabilið. Liðið á eftir að tapa leik. Það er fullt af liðum sem getur lagt United að velli. Manchester United er ekki eins gott og það var fyrir tveimur árum með menn eins og Cristiano Ronaldo og Carlos Tévez innanborðs,“ sagði Redknapp eftir leikinn við United.

,,Ég held að önnur lið hafi bætt sig og nálgast United en sem stendur er það í efsta sæti í jafnri deild þó svo að það hafi misst þessa leikmenn.“

• 1 blogg um fréttina

Bloggað um fréttina

• Haraldur Haraldsson: Redknapp: United mun tapa leik/en M.U.N. gerði janntefli við Tottenhem …