Chelsea fór illa með Bolton

Chelsea burstaði Bolton, 4:0, í ensku úrvalsdeildinni í knattspyrnu en liðin áttust við á Reebok vellinum í Bolton í kvöld. Didier Drogba, Florent Malouda, Nicolas Anelka og Ramires gerðu mörk Englandsmeistaranna sem eru í fjórða sæti deildarinnar, sjö stigum á eftir Manchester United. Grétar Rafn Steinsson lék allan tímann fyrir Bolton.

90. Leiknum er lokið með 4:0 sigri Chelsea.

74.MARK!! Brasilíumaðurinn Ramires var að bæta við fjórða mark Chelsea og skora sitt fyrsta mark fyrir Lundúnaliðið í deildinni.

56. MARK!! Nicolas Anelka er að tryggja Chelsea sigurinn á Reebok. Frakkinn skoraði með föstu vinstri fótarskoti gegn sínu gamla liði. Staðan, 3:0.

41.MARK!! Meistararnir eru komnir í 2:0. Florent Malouda skoraði úr þröngu færi rétt utan markteigsins. Níunda mark hans í deildinni á þessari leiktíð.

30. Petr Cech kom Chelsea til bjargar en Tékkinn varði frábærlega kollspyrnu frá Matthew Taylor.

11. MARK!! Chelsea er komið yfir á Reebok. Grétar Rafn tapaði boltanum illa á eigin vallarhelmingi. Boltinn barst til Didier Drogba sem skoraði með glæsilegu skoti af um 25 metra færi. Frábært mark.

• 1 blogg um fréttina

Bloggað um fréttina

• Gísli Foster Hjartarson: Sko Chelsea