Rooney: Ég skuldaði stuðningsmönnunum

,,Stuðningsmenn Manchester United verðskulduðu þetta mark frá mér," segir Wayne Rooney framherji United sem tryggði liði sínu sigurinn gegn Manchester City með frábæru marki á Old Trafford í gær.

Rooney sagði eftir leikinn að þetta væri hans besta mark á ferlinum og Sir Alex Ferguson sagðist ekki hafa orðið vitni að fallegra marki sem skorað hefur verið á Old Trafford.

,,Ég hef ekki átt mitt besta tímabil. Ég veit hins að hversu stór þessi leikur er í Manchester og ég vona að stuðningsmenn okkar hafi notið þessa marks og sigursins. Ég skuldaði stuðningsmönnum okkar þetta mark. Nú er markmiðið að reyna að halda áfram að skora og hjálpa liðinu að endurheimta titilinn,“ segir Rooney sem lenti upp á kant við stuðningsmenn United þegar hann sagðist vilja fara frá félaginu í haust.

United er með fjögurra stiga forskot á Arsenal þegar tólf umferðir eru eftir af úrvalsdeildinni.

,,Við erum liðið sem önnur þurfa að ná. Við vitum hvernig það er að vera í toppsætinu og komast yfir endamarkið. Við höfum reynsluna og við leikmennirnir og stjórinn vitum hvað við þurfum að gera.“

• 1 blogg um fréttina

Bloggað um fréttina

• Haraldur Haraldsson: Rooney: Ég skuldaði stuðningsmönnunum/maður verður að viðurkenna þetta flotta mark!!!