Íþróttir | Enski boltinn | mbl | 18.3.2011 | 11:15

Chelsea mætir Manchester United

Lionel Messi og Dani Alves leikmenn Barcelona en margir spá …
Lionel Messi og Dani Alves leikmenn Barcelona en margir spá liðinu Evrópumeistaratitlinum. Reuters

Chelsea og Manchester United mætast í átta liða úrslitum í Meistaradeild Evrópu í knattspyrnu en dregið var til þeirra nú rétt í þessu. Tottenham etur kappi við nífalda Evrópumeistara Real Madrid og Barcelona, sem margir spá Evrópumeistaratitlinum, leika við Shakhtar Donetsk.

Manchester United og Chelsea mættust í úrslitaleik Meistaradeildarinnar í Moskvu fyrir þremur árum þar sem United hafði betur í vítaspyrnukeppni.

Drátturinn í 8-liða úrslitunum:

Real Madrid - Tottenham
Chelsea - Manchester United
Barcelona - Shakhtar
Inter - Schalke

Leikirnir í átta liða úrslitunum fara fram 5/6. apríl og 12/13. apríl.

Drátturinn í undanúrslitunum:

Chelsea/Man Utd - Inter/Schalke
Real Madrid/Tottenham - Barcelona/Shahktar

Leikirnir í undanúrslitunum fara fram 26/27. apríl og 3/4. maí.

Úrslitaleikurinn fer svo fram laugardaginn 28. maí á Wembley leikvanginum í London.

mbl.is

Bloggað um fréttina

Fleira áhugavert
Myndir: Náttúrulegur þröskuldur að taka við Maskína: Framsókn í fallbaráttu Flogið á milli ljósaskipta Sólveig Anna furðar sig á aðferðum kennara
Fleira áhugavert
Hraun kemur úr þremur gígum: Virknin stöðug Sólveig Anna furðar sig á aðferðum kennara Hópur fólks reyndi að komast að eldgosinu Hluti bílastæðis undir hraun: Ómögulegt að meta tjón