Leeds stöðvaði sigurgöngu Reading
Kasper Schmeichel markvörður Leeds.
Reuters
Setja bókamerki
Leeds United stöðvaði í kvöld sigurgöngu Reading í ensku 1. deildinni í knattspyrnu þegar liðin mættust á Elland Road, heimavelli Leeds. Markalaust jafntefli urðu úrslitin en fyrir leikinn í kvöld hafði Reading unnið átta leiki í röð.
Leeds er því enn ósigrað á heimavelli en liðið er eftir leikinn með 66 stig í sjöunda sæti deildarinnar en Nottingham Forest er með jafnmörg í sjötta sæti. Reading er í fjórða sæti með 73 stig og heldur enn í vonina um að ná öðru sætinu en því er Norwich með 77 stig og Cardiff hefur 75. Heiðar Helguson og félagar hans í QPR eru í toppsætinu með 83 stig en liðið mætir Cardiff á morgun.
Hvorki Ívar Ingimarsson né Brynjar Björn Gunnarsson voru í leikmannahópi Reading í kvöld.
Reiðubúin að aflýsa verkföllum í fjórum leikskólum
Hulda saksóknari: „Tökum þetta ekki til greina“
Viðræður ekkert þokast frá því á þriðjudag
Sjötti ferðamaðurinn er látinn
Dómur þyngdur um þrjú ár
Sólveig Anna furðar sig á aðferðum kennara