Mascherano: Sigurinn líka fyrir Liverpool

Javier Mascherano, sem lék sem miðvörður Barcelona í leiknum gegn Manchester United í úrslitaleiknum á Wembley í kvöld, sagði að það hefði ekki síst verið ánægjulegt vegna vina sinna í Liverpool að leggja United að velli í kvöld.

Mascherano fór frá Liverpool til Barcelona í fyrra.

"Við erum afar ánægðir. Við sigruðum frábært lið en erum ánægðir vegna þess að við spiluðum eins og við við viljum spila. Það er frábært fyrir hvaða fótboltamann sem er að verða Evrópumeistari. Svo voru stuðningsmenn Liverpool pínulítið leiðir þegar ég fór frá þeim svo þessi sigur er líka fyrir þá!" sagði Mascherano við Sky Sports, og vitnaði þar til þess að United og Liverpool eru erkifjendur frá fornu fari.

• 1 blogg um fréttina

Bloggað um fréttina

• Mancunian: Mannvitsbrekka