ÍBV getur dregist gegn Fulham

Í morgun var þátttökuliðum í Evrópudeild UEFA í knattspyrnu skipt niður í hópa fyrir dráttinn í fyrstu tvær umferðirnar sem hefst klukkan 11. ÍBV er í hópi með Fulham, sem er eitt af þeim fimm liðum sem Eyjamenn geta dregist gegn.

Hin fjögur liðin sem ÍBV getur mætt eru Aalesund frá Noregi, Häcken frá Svíþjóð, Saint Patrick's Athletic frá Írlandi og Renova frá Makedóníu. ÍBV er í neðri styrkleikaflokki í drættinum.

KR-ingar eru í efri styrkleikaflokki og þeir geta dregist gegn ÍF Fuglafirði frá Færeyjum, Daugava Daugvapils frá Lettlandi, Cliftonville frá Norður-Írlandi, Nömme Kalju frá Eistlandi og Fola Esch frá Lúxemborg.

FH situr hjá í 1. umferðinni.

• 1 blogg um fréttina

Bloggað um fréttina

• Gísli Foster Hjartarson: Zamora gegn ÍBV?