Leikmenn enska knattspyrnuliðsins Liverpool leika með sorgarbönd í dag þegar liðið leikur gegn Hull í dag. Þetta er æfingaleikur milli liðanna í undirbúningi fyrir keppnistímabilið sem hefst í næst mánuði en Liverpool leikur sem kunnugt er í úrvalsdeildinni en Hull í 1. deild.

Kenny Dalglish knattspyrnustjóri félagsins staðfesti þetta fyrir stundu á opinberri Twitter-síðu sinni. „Við munum vera með sorgarbönd í dag gegn Hull af virðingu við norsku þjóðina.“ 

Enginn Norðmaður spilar með Liverpool en tveir Danir eru á mála hjá félaginu, þeir Christian Poulsen og Martin Hansen. Liverpool hefur þó haft Norðmenn innan sinna vébanda í gegnum tíðina. Stig Inge Björnebye, Björn Tore Kvarme, Öyvind Leonardsen, Vegard Heggem og John Arne Riise spiluðu allir með Liverpool. Björnebye kom fyrstur árið 1992 en Riise yfirgaf liðið síðastur eða árið 2008 þegar hann gekk til liðs við Roma.

Liverpool á að spila æfingaleik gegn Vålerenga á Ullevaal vellinum í Osló þann 1. ágúst næstkomandi. Líklegt er að sá leikur muni fara fram þrátt fyrir skelfilega atburði gærdagsins.  

Tengdar fréttir

Fjöldamorðið í Útey/Anders Behring Breivik

Biður um reynslulausn 13 árum eftir fjöldamorðið

• Breivik tapaði máli gegn ríkinu
• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun

» Fleiri tengdar fréttir

• 1 blogg um fréttina

Bloggað um fréttina

• Stefán Lárus Pálsson: Skrítin fyrirsögn: "Torsóttur sigur MU"