Aron gæti spilað um næstu helgi

Malky Mackay, knattspyrnustjóri Cardiff City, segir ekki útilokað að Aron Einar Gunnarsson geti spilað með liðinu um næstu helgi þegar það mætir Portsmouth í ensku B-deildinni. Það sé þó frekar ólíklegt en Aron meiddist um fyrri helgi í leik gegn Bristol City.

Hann spilar ekki gegn Huddersfield, liði Jóhannesar Karls Guðjónssonar, í deildabikarnum í kvöld. Mackay sagði á vef Cardiff að Aron myndi að óbreyttu hefja æfingar með liðinu á ný í vikunni og hann útilokaði ekki að geta notað hann gegn Portsmouth. Hann myndi þó frekar horfa til þess að fá Aron og tvo aðra miðjumenn sem eru meiddir örugglega aftur í slaginn strax að landsleikjahléinu loknu.

Aron á að spila með íslenska landsliðinu gegn Noregi 2. september og Kýpur 6. september, svo framarlega sem hann verður búinn að ná sér af meiðslunum.

• 1 blogg um fréttina

Bloggað um fréttina

• Torfi Kristján Stefánsson: Nú, er búið að velja liðið?