Mikil breyting hjá Rooney

Wayne Rooney er markahæstur í ensku úrvalsdeildinni í knattspyrnu en framherji Englandsmeistaranna hefur skorað 8 mörk í fyrstu fjórum umferðunum. Þegar Rooney skoraði sitt áttunda mark í deildinni á síðustu leiktíð var 2. apríl á dagatalinu.

Rooney verður í eldlínunni á Old Trafford á sunnudaginn en þá taka Englandsmeistararnir á móti Chelsea í sannkölluðum stórleik.

United hafði betur í rimmu liðanna á Old Trafford, 2:1,  á síðustu leiktíð. Sá leikur fór fram í maí og með honum nánast gulltryggði liðið sér sigur í deildinni. Manchester United hefur skorað í síðustu 32 leikjum sínum á Old Trafford. Liðið hefur unnið 30 þeirra, gert eitt jafntefli og tapað einum og það var einmitt gegn Chelsea í apríl 2010.

• 1 blogg um fréttina

Bloggað um fréttina

• Haraldur Haraldsson: Mikil breyting hjá Rooney///í honum býr snillingur ekki spurning!!!!!