Tvö sjálfsmörk Arsenal í naumu tapi

Blackburn vann í dag dí­sæt­an sig­ur á Arsenal í ensku úr­vals­deild­inni í knatt­spyrnu, 4:3, eft­ir að hafa tví­veg­is lent und­ir í leikn­um. Þetta var fyrsti sig­ur Blackburn á leiktíðinni og liðið kom sér þar með úr botnsæt­inu.

Yaku­bu skoraði tví­veg­is fyr­ir Blackburn í sín­um fyrsta leik fyr­ir fé­lagið en þeir Alex Song og Laurent Koscielny skoruðu sitt hvort sjálfs­markið. Þess má geta að Blackburn komst í 4:2 þrátt fyr­ir að leik­menn liðsins hefðu þá aðeins átt þrjú skot að marki. Gervin­ho, Mikel Arteta og Mar­oua­ne Chamakh skoruðu í mark Blackburn.

Fylgst var með gangi mála hér á mbl.is.

Leik lokið.

90. Per Mertesacker var í fínu skalla­færi en skallaði rétt yfir mark Blackburn.

85. MARK! (4:3) Van Persie átti góða fyr­ir­gjöf frá vinstri á vara­mann­inn Mar­oua­ne Chamakh sem skallaði bolt­ann í netið. Enn er von fyr­ir Arsenal.

82. Robin van Persie átti skalla af stuttu færi sem Paul Robin­son varði meist­ara­lega. Arsenal-menn reyna hvað þeir geta að kom­ast inn í leik­inn.

69. MARK! (4:2) Mart­in Ols­son fór með bolt­ann fram hægri kant­inn í skynd­isókn og komst alla leið að enda­mörk­um hægra meg­in í víta­teign­um þar sem hann sendi út í teig­inn en beint í Laurent Koscielny og þaðan fór bolt­inn í markið. Annað sjálfs­mark Arsenal í leikn­um því staðreynd.

59. MARK! (3:2) Steven N'Zonzi átti skot hægra meg­in úr teign­um sem stefndi fram­hjá en Yaku­bu breytti stefnu þess og skoraði af markteig. Hans annað mark í þess­um fyrsta leik fyr­ir Blackburn en Níg­er­íumaður­inn virt­ist reynd­ar vera rang­stæður.

54. Mauro Formica slapp einn í gegn­um vörn Arsenal en Wojciech Szczesny varði mjög vel frá hon­um.

50. MARK! (2:2) Blackburn jafnaði met­in öðru sinni þegar Alex Song skoraði óvart slysa­legt sjálfs­mark eft­ir fyr­ir­gjöf frá Ru­bén Rochina.

Hálfleik­ur. Arsenal-menn voru mun meira með bolt­ann í fyrri hálfleik og verðskulduðu for­yst­una fylli­lega.

34. MARK! (1:2) Arsenal komst yfir á nýj­an leik þegar Mikel Arteta skoraði sitt fyrsta mark fyr­ir fé­lagið með þrumu­skoti upp í þak­netið eft­ir send­ingu Aaron Rams­ey út í teig­inn.

25. MARK! (1:1) Heima­menn jöfnuðu með marki Yaku­bu í hans fyrsta leik fyr­ir Blackburn en hann fékk góða stungu­send­ingu frá Dav­id Hoilett og skoraði með viðstöðulausu skoti í hægra mark­hornið. Andre Santos, vinstri bakvörður Arsenal, var stein­sof­andi og gerði Yaku­bu rétt­stæðan.

10. MARK! (0:1) Alex Song sendi stungu­send­ingu beint fram völl­inn á Gervin­ho sem skoraði með hnit­miðuðu skoti í vinstra mark­hornið.

Blackburn: Robin­son, Sal­ga­do, Sam­ba, Dann, Gi­vet, Hoilett, Lowe, Nzonzi, Rochina, Formica, Yaku­bu.
Vara­menn: Bunn, Ols­son, Grella, Petrovic, Vukcevic, Roberts, Hanley.

Arsenal: Szczesny, Sagna, Mertesacker, Koscielny, Andre Santos, Song, Arteta, Rams­ey, Gervin­ho, Van Persie, Ars­havin.
Vara­menn: Fabianski, Walcott, Djourou, Gibbs, Chamakh, Benayoun, Coqu­el­in.

• 1 blogg um frétt­ina

Bloggað um frétt­ina

• Gunn­ar Th. Gunn­ars­son: Arsenal að verða að Li­verpool-brand­ara