Toure: Erum með tvö frábær lið

Yaya Toure miðjumaðurinn snjalli hjá Manchester City segir að breiddin sé það mikil hjá liðinu að það gæti hæglega teflt fram öðru liði sem myndi örugglega  blanda sér í baráttu um sæti í Meistaradeildinni.

City er taplaust í deildinni og hefur fimm stiga forskot á Englandsmeistara Manchester United þegar 11 umferðum er lokið af 38.

,,Við erum með tvö lið. Fólk segir að liðið sem vann Wolves í deildabikarnum, 5:2, hafi verið varalið en fyrir mér er það ekki því allir í leikmannahópi okkar eru nógu góðir til að spila.

Liðið sem spilaði svo á móti Wolves á heimavelli í deildinni vann 3:1 og það var erfiður leikur. Við erum með frábæran hóp og það eru allir að bæta mig. Það er alveg meiriháttar,“ segir Toure, sem hefur spilað afar vel með City-liðinu á leiktíðinni og skoraði sigurmarkið gegn QPR um síðustu helgi.

• 1 blogg um fréttina

Bloggað um fréttina

• Gísli Foster Hjartarson: 2 frábær lið.....