Ferguson fluttur á sjúkrahús
Setja bókamerki
Sir Alex Ferguson, knattspyrnustjóri Manchester United, var fluttur á sjúkrahús í gærkvöld til skoðunar. Að henni lokinni var hann sendur heim.
Ferguson var í Glasgow í Skotlandi í gær og fagnaði þar að 40 ár eru liðin frá því hans gamla lið Rangers vann Evrópumeistaratitilinn. Ferguson hélt tölu í kvöldverðarboði en skyndilega fékk hann miklar blóðnasir og var ákveðið að fara með knattspyrnustjórann á sjúkrahús.
„Þetta var smávandamál en hann hvílist heima og það er allt í lagi með hann,“ var haft eftir talsmanni Manchester United við enska blaðið The Sun.
Ferguson er 70 ára gamall en mikið álag var á honum um síðustu helgi þegar lokaumferðin í ensku úrvalsdeildinni fór fram þar sem Manchester City fagnaði meistaratitlinum eftir dramatískar lokasekúndur. Líklega hafa blóðnasirnar verið eftirmál mikillar taugaspennu en United var nokkrum sekúndum frá því að hampa meistaratitlinum í 20. sinn.
Líklega komin á seinni hluta hrinunnar í Svartsengi
Hópur fólks reyndi að komast að eldgosinu
Sjötti ferðamaðurinn er látinn
Sólveig Anna furðar sig á aðferðum kennara
Yfir 300 stæði fóru undir hraun