Arsenal með Dembele í sigtinu

Arsenal hefur augastað á belgíska landsliðsmanninum Moussa Dembele að því er enskir fjölmiðlar greina frá í dag. Dembele er leikmaður Fulham og þótti standa sig afar vel með liðinu á nýafstöðnu tímabili.

Dembele kom til Fulham frá hollenska liðinu AZ Alkmaar fyrir tveimur árum og var í stóru hlutverki á miðjunni með Fulham-liðinu á tímabilinu.

Talið er að Arsene Wenger þurfti að reiða fram 10 milljónir punda ætli hann sér að fá Dembele á Emirates Stadium en hann er 24 ára gamall sem hefur leikið 38 leiki með belgíska landsliðinu.

• 1 blogg um fréttina

Bloggað um fréttina

• Haraldur Haraldsson: Arsenal með Dembele í sigtinu/Við þurfum svona menn,ekki spurning!!!