Klinsmann útilokar að taka við liði Tottenham

Jürgen Klinsmann er einn þeirra sem hafa verið orðaðir við starf knattspyrnustjóra Tottenham en félagið leitar nú eftirmanns Harrys Redknapps sem var rekinn frá félaginu í fyrradag.

Klinsmann lét hins vegar hafa eftir sér í dag að hann útilokar að taka við stjórastöðunni hjá sínu gamla félagi þar sem hann hefur ekki uppi nein áform um að hverfa úr stóli landsliðsþjálfara Bandaríkjanna.

Klinsmann lék á árum áður 56 leiki með Tottenham og skoraði í þeim 30 mörk og er hann gríðarlega vinsæll hjá stuðningsmönnum Lundúnaliðsins.

• 1 blogg um fréttina

Bloggað um fréttina

• Gísli Foster Hjartarson: Þar fór í verra