Vill fá Balotelli til baka

Massimo Moratti, forseti ítalska knattspyrnuliðsins Inter Mílanó, segist vilja fá ítalska framherjann til baka frá Manchester City.

Balotelli hefur leikið vel með Ítölum á Evrópumótinu og skoraði bæði mörk liðsins þegar það lagði Þjóðverja í undanúrslitunum á fimmtudaginn.

„Ég neita því ekki að ég er með áætlun um að fá hann aftur til Inter. Ég myndi glaður vilja gera annað tilboð í hann en Manchester City hefur rétt á að hafna því. Það vill halda honum,“ sagði Moratti við ítalska blaðið Gazzetta dello Sport.

„Ég er bæði glaður og stoltur yfir því hvað Balotelli hefur gert á EM. Ítalir elska hann þrátt fyrir að hann sé furðulegur. En hann hefur einstaka hæfileika og hefur sannað það á þessu móti,“ segir Moratti.

• 1 blogg um fréttina

Bloggað um fréttina

• Theódór Norðkvist: Lán Ítala í óláni?