Heiðar lagði upp þrjú mörk í Blackburn
Setja bókamerki
Heiðar Helguson lék frábærlega með Cardiff City gegn Blackburn Rovers í ensku B-deildinni í knattspyrnu í kvöld en velska liðið vann þar magnaðan útisigur á Ewood Park, 4:1, og styrkti stöðu sína á toppi deildarinnar.
Mark Hudson kom Cardiff yfir eftir hálftíma leik og staðan var 1:0 í hálfleik. Norðmaðurinn Joshua King jafnaði fyrir Blackburn á 51. mínútu en fimm mínútum síðar skoraði Craig Bellamy fyrir Cardiff eftir skallasendingu Heiðars, 2:1.
Joe Mason og Bo-Young Kim tryggðu síðan sigurinn með mörkum á 84. og 85. mínútu, báðir eftir sendingar frá Heiðari sem þar með lagði upp þrjú marka liðsins. Honum var skipt af velli í uppbótartímanum en Aron Einar Gunnarsson var á meðal varamanna Cardiff og kom ekkert við sögu.
Cardiff er með 44 stig á toppnum en á eftir koma Crystal Palace með 40 stig, Leicester með 36, Middlesbrough og Hull með 35, og öll eiga þau einn leik til góða á Cardiff.
Hentugt gos fyrst gýs á annað borð
Hótar Bretum og Bandaríkjamönnum
Dómur þyngdur um þrjú ár
Sjötti ferðamaðurinn er látinn
/frimg/1/53/7/1530787.jpg)
Flogið á milli ljósaskipta
Litlar líkur á að hraunið nái til mannvirkja