Reiður Mancini gerir breytingar

Roberto Mancini, knattspyrnustjóri Manchester City, var vægast sagt óánægður með frammistöðu sinna manna í tapinu gegn nýliðum Southampton en hann er tilbúinn til að gera breytingar á liðinu fyrir lokasprettinn í deildinni.

Tap meistaranna og sigur Manchester United í gær þýðir að City er tólf stigum á eftir United þegar tólf leikir eru eftir í deildinni.

„Ég vil bara leikmenn sem eru tilbúnir til að berjast í síðustu tólf leikjunum,“ segir Mancini en City fær frí í deildinni um næstu helgi því liðið mætir Leeds í bikarnum.

„Ég er mjög reiður út í marga leikmenn mína og virkilega vonsvikinn. Ég mun gera breytingar í næstu viku. Við börðumst ekki einu sinni um boltann gegn Southampton,“ segir Roberto Mancini.

• 1 blogg um fréttina

Bloggað um fréttina

• Gísli Foster Hjartarson: ....ekkert hungur!