Íþróttir | Enski boltinn | mbl | 13.2.2013 | 14:43

Ronaldo: Spila ekki fyrir Man. City

Cristiano Ronaldo er mikill United-maður. AFP

Cristiano Ronaldo er enn United-maður inn við beinið þó honum líki lífið í Madrid og ætli að spila þar út samninginn sinn að minnsta kosti.

Portúgalinn segist ekki geta spilað fyrir Manchester City en Ronaldo var orðaður við Englandsmeistarana þegar hann sagðist vera leiður hjá Real Madrid fyrr á tímabilinu.

„Að spila fyrir City en ekki United? Ég ætla ekki að gera það. Af hverju? Því hjarta mitt liggur hjá Manchester United. Það er ástæðan,“ segir Ronaldo í viðtali við The Sun.

„Ég get sagt að það yrði mjög, mjög, mjög, mjög, mjög, mjög, mjög, mjög, mjög, mjög, mjög erfitt að spila fyrir Manchester City. Það yrði mjög erfitt vegna tengsla minna við Manchester United,“ segir Cristiano Ronaldo.